اوعى تسمع الخطبه دى

الحمد لله وكفى ، وصلاة وسلاما على عباده الذين اصطفى ، وآله وصحبه ومن اقتفى .
أما بعد ...


احذر أن تكون منهم

هو العنوان غريب شويه .. سبب العنوان أنى تخيلت مره .. مشهد من مشاهد الاخرة

أن القيامة قد قامت وقد وضع الصراط .. ثم تم الحساب ووقف الناس جميعا بين يدى الحق جل وعلا ..

فأمر الله عز وجل بفريق يدخل الجنة نسأل الله أن يجعلنا منهم ... وفريق يدخل النار نسأل الله أن يعافينا وإياكم...

دخل أهل الجنة الجنة وبدأت رحله النعيم .. النعيم الذى أخبر عنه الرب الرحيم كما فى الصحيحين حينما

قال جل جلاله (( أعددت لعبادى الصالحين فى الجنة مالا عينا رأت ولا أذن سمعت ولا خطر على قلب بشر ))ده كان النعيم فى جنة الرحمن


وفى المقابل

دخل أهل النار النار .. وبدأت رحله العذاب عفانا الله وإياكم .. لكن المشهد الذى خطر على بالى فى تلك اللحظه..

أن أهل النار فى عز ما هما فى العذاب وفى عز العذاب والنكال المسلط عليهم .. وأهل النار يعذبوا عذاب حسى

وعذاب معنوى ...فالعذاب الحسى كلنا يعلمه ( عذاب الحرق والجوع والعطش وطعام الزقوم ) إلى اخر ذلك

عفانا الله وإياكم ... لكن فيه عذاب معنوى وهو : حينما يتلاعنوا فى النار .. يتلاعن أهل النار بعضهم مع بعض..

ده يقول لده : أنته السبب .. والتانى يقوله : أنته السبب { كُلَّمَا دَخَلَتْ أُمَّةٌ لَّعَنَتْ أُخْتَهَا} بعد ذلك لما يخرج

عصاه الموحدين من النار فلا يبقى إلا المخلدون فى النار .. فيغلق على كل واحدا مكانا فى النار فيحبس وحده..

فيظن أنه هو الذى بقى وحده وأن كل اهل النار قد خرجوا من النار ــــــــــــ> وده عذاب معنوى ....

لكن أشد عذاب معنوى يسلط على أهل النار هو أنهم يحجبوا عن روؤيه العزيز الغفار جل وعلا
{كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ }

المشهد بقى اللى خطر على بالى : : أن فى عز ما أهل النار يعذبوا

فجأه شافوا ملائكه النار خزنه جهنم .. نازله ومعاها منبر .. أيه المنبر ده ؟؟ نازلين بالمنبر وبيضعوا هذا المنبر

فى قعر جهنم .. أهل النار فى عز ما همه بيتعذبوا لفت نظرهم المشهد ده !!! طبعا تعجبوا منبر يوضع فى النار!!

ليه فى خطيب حيأتى يذكرنا بالله فى النار ؟؟!!! طبعا لأ ... أومل ما الذى يحدث ؟؟
فجأه أتحط المنبر

وفجأه واحد قايم بخطوات مسرعه رايح ناحيه المنبر وطالع

لسه الناس مش شايفه مين ده ... فجأه طلع على النبر درجه اتنيين تلاته بيدور وشه فجأه مين ده ؟؟

ده إبــــــــــلـــــــــيـــــــــس يااااااااه أول مره الناس تشوف ابليس

فى الموقع ده فى المشهد ده ...

أول ما شافوا ابليس كل واحد فى عز عذابه فى النار : افتكر الالام المعاصى والأحزان اللى كانت سبب

دخوله النار ...

بقى هو ده السبب اللى خلانى شربت الخمر ...

هو ده السبب اللى خلانى طلقت زوجتى ورميت عيالى ...

هو ده السبب اللى خلانى مصلتش ولا سجدت لله ...

هو ده السبب اللى خلانى أقع فى الزنا واكل الربا ...

هو ده السبب اللى خلانى اغتر بالشهره والنجوميه واغتر بجمال صوتى وانشر الغناء بدل ما أكون داعيه ..

هو ده السبب اللى خلانى أفتن الشباب واكون مساعد ابليس فى الأرض على هدم الأسلام ....

هو ده السبب اللى خلانى أنسى ذكر الله ولذه الطاعه والأندماج فى الشهوات والمعاصى .....؟؟؟؟؟

أه هو ده السبب !!!! لكن بردوا فى النهايه أنته بردوا السبب ...

بدأ ابليس يخطب الخطبه التى أخبرنا عنها الحق جل وعلا ... شوف من كمال رحمه الله (( ورحمتى وسعت كل شىء))

أن ربنا بيحذرك من دلوقتى .. بيقولك خد بالك خطبه ابليس فى النار حيقول كذا وكذا وكذا أوعى تكون من اللى

حيحضروا الخطبه ديه ... احذر ان تكون منهم ...

سبحان الله ربنا سجلك خطبه ابليس فى النار عشان لا تقع فى هذا المشهد .. ورغم ذلك ده فيه ناس كتير

حاجزين صف أول ...تخيل المشهد ابليس طالع وبيخطب حيقول أيه ؟؟ حيقول نفس الكلام الذى سجل عليه

فى كتاب الله .....

أنا عايزه أطلب من كل واحد قرا الموضوع واجب عملى : أنك تفتح كتاب ربك وطلع سوره ابراهيم

الايه رقم ( 22) اقرأ هذه الايه وتمعن فيها بقلبك واقرى تفسير ليها ونتكلم عنها المره القادمه ..

بحبكم فى الله لا ننسى ان غدا يوم الترويه أروى قلبك بحب الله ولا ننسى الدعاء بظهر الغيب

ولا ننسى أخواننا فى فلسطين الدعاء لهم ....

ياريت اشوق تعليق على هذه الايه من حضراتكم ....

سبحانك اللهم وبحمدك أشهد أن لا إله إلا أنت استغفرك واتوب إليك ...