Admin
Admin
عدد الرسائل : 128
العمر : 33
الموقع : https://sotnaa.ahlamontada.net
عارضه الطاقه :
مزاجى اليوم : 
الاعلام : 
المهن : 
تاريخ التسجيل : 08/12/2008
 |  موضوع: رخامه×رخامه  الإثنين ديسمبر 08, 2008 7:26 pm | |
| مشروع الرخامه السنوى ممنوع استخدامه من قبل مرضى السكر والقلب وارتفاع الضغط
1 -
مرة واحد رخم جدا راح يزور واحد أرخم منه
الرخم الاول خبط على الباب
الرخم اللي بالداخل قال : مين
الرخم الاول قال : أنا
الرخم اللي بالداخل قال : لا مش أنت !!
2 -
واحد رخم قوي راح للبقال قاله : يا عم هات بقرش ساغ زيتون (قرش صاغ يعادل واحد هللة سعودي )
البقال : يا ابني ما فيش بقرش زيتون أقل حاجة بجنيه
الرخم : بس انا مش عايز بجنيه انا عايز بقرش ساغ بس
البقال : قولتلك ما فيش بقرش
الرخم : لكن انا عايز بقرش بس
البقال : يا ابني امشي ورانا زبائن تانية
الرخم : مش ح امشي قبل ما تعطيني بقرش زيتون
البقال : طيب مش ح اعطيك
الرخم : لا حتعطيني بقرش يعني حتعطيني
البقال : هو بالعافية ؟
الرخم : لا مش بالعافية لكن انا برضه حاخذ بقرش زيتون
البقال : وانا مش ح ابيعلك 000 خلاص ؟
الرخم : أمال انت فاتح المحل ليه مش عشان تبيع ؟
البقال : طبعا
الرخم : طيب 000 بيع لي
البقال : يا ابني مافيش حد دلوقتي بيتعامل بالقرش ده
الرخم : انت كداب 00 مش انا دلوقت معايا قرش
البقال : نعم
الرخم : وعايزاشتري بيه زيتون ؟
البقال : نعم
الرخم : خلاص يبقى أنا باتعامل بالقرش دلوقت
البقال : لكن أنا بقى ما بتعاملش بيه
الرخم : ايه يا عم انت مش عايز تبيع وتكسب ؟
البقال : يعني القرش ده هو اللي ح يكسبني
الرخم : إستغفر ربك يا اخي القرش ده رزق
البقال : استغفر الله العظيم 000 يا ابني امشي الله يخليك
الرخم : باقولك ايه انا لازم آخذ بقرش صاغ زيتون يعني لازم اخذ بقرش صاغ زيتون
البقال : طيب يا ابني أنت ما معكش غيره ؟
الرخم : يعني ايه ما معييش غيرة
البقال : يعني ما عندكش فلوس زيادة ؟
الرخم : أخرس000 أنا عندي فلوس توزنك أنت وأهلك
البقال : وكمان بتشتمني 000 طيب
البقال اتصل بالشرطة والعسكري جاء وأخذ الرخم وعمله محضر بالقسم
وطلعه بكفالة
لكنه راح مرة تانية للبقال
الرخم : خلاص يا عم عملتلي محضر واستريحت ؟ اعطيني بقى بقرش صاغ زيتون
البقال : يا ابني أبوس ايديك أمشي عندنا شغل
الرخم :لا مش ماشي قبل ما اخذ اللى انا عايزه
البقال : طيب لو اديتك بقرش زيتون حتمشي ومش حتيجي تاني ؟
الرخم : طبعا طبعا
البقال : ومش عايز اشوف وشك هنا تاني
الرخم : يا عم طبعا000 انا مش عايز اتعبك 00 دانا بحبك وربنا عالم
البقال احضر برطمان زيتون كبييير وطلع منه زيتونه واحدة
الرخم قاله : إيه ده !! أنت حتنقص زيتونة من البرطمان بتاعي كماااان ؟!!!
البقال مات
3-طفل صغير رخم قوي راح للبقال
قاله : يا عم عندك جبنه بيضاء
البقال : نعم
الطفل الرخم : كويسة يعني ؟
البقال : ممتازة
الطفل الرخم : طيب اعطنى ربع كيلو حلاوة طحينية !
في اليوم الثاني
الطفل الرخم : يا عم عندل عسل أسود
البقال : نعم
الطفل الرخم : كويس والا وحش
البقال : كويس طبعا
الطفل الرخم : طيب اعطني علبة زيت
في اليوم الثالث
الطفل الرخم : يا عم عندك زيتون أسود غير مملح
البقال : نعم يا حبيبي
الطفل : بس كويس والا زي كل يوم ؟
البقال : يا حبيبي كويس جداً طبعا
الطفل الرخم : حيث كدا اعطيني لب ابيض
البقال اتجنن منه وطرده وقاله : والله انا ح اشتكيك لأبوك
ابو الطفل راح للبقال قاله : ايه يا عم انت زعلان من ابني ليه ؟
البقال حكاله على الحكاية
الاب : لا لا لازم دانت تمام زي ابوه وانا ما يرضنيش كدا أبداً
لازم تأدبه لو جالك تاني لازم تضربه لو عمل معاك حاجة زي كده تاني انت عندك عصا هنا في المحل
البقال : ايوه عندي
الاب : طيب اعطيله قلمين على وشه 000000
4-واحد رخم شاف واحد ماشي في الشارع وقفه في الطريق وقاله :
صباح الخير يا أستاذ
الراجل : أهلاً أهلاً صباح الخير
الرخم : هو حضرتك ياباني ؟
الراجل : لا يا أخي أنا مش ياباني أنا مصري
الرخم : معلش أصلي إفتكرتك ياباني
الرخم مشي ورا الراجل لحد ما الراجل جلس على مقهى
الرخم جلس بجوار الراجل وقاله : معلش يا أستاذ ، أنت متأكد أنك مش ياباني ؟؟؟
الراجل : يا عم أنت مجنون !! أنا مصري 00 مصري
الرخم : معلش معلش أنا بس كنت بتأكد
الراجل قام من على المقهى ومشي ركب الأتوبيس
الرخم ركب وراه الأتوبيس وقاله : يا أستاذ 00 على الله بس ما نكونش بنتقل عليك والا حاجة
كنت عايز أسألك سؤال أخير بس ، والدك أو والدتك ماكنوش يابانيين ؟؟؟؟
الراجل : يا أخي أنا زهقت منك ، أنا وأبوي وأمي مش زفت يابانيين
الرخم : يا سيدي ما تتنرفزش كده خلاص عرفت
الراجل نزل من الأتوبيس وروح بيته
الرخم طلع وراه خبط على شقته
الراجل فتح الباب وقاله : يا نهار أسود أنت تاني !! عايز إيه ؟
الرخم : يا أستاذ هو سؤال واحد الله يخليك ، وما تخبيش عليه ، قولي بصراحة بقي أنت ياباني والا مصري ؟
الراجل لما زهق : أيوة يا سيدي أنا زفت ياباني 00 أستريحت ؟
الرخم : غريبة جداً مع أنك مافيكش شبه من اليابانيين إطلاااااااااااااقاً
واحد رخم راح لبتاع الفول علشان طبعاً يشتري فول
أخذ معاه حله كبيرة وراح يقول لبائع الفول :
من فضلك يا عم اديني بنصف جنيه فول لو سمحت وكثر الزيت شوية
البائع استغرب قال في سره جايب حلة كبيرة عشان نصف جنيه بس المهم حطله بنصف جنيه فول وعليهم زيت
الرخم : الله الله الله الله ايه يا عم ده أنت كثرت الزيت قوي ، الزيت كده غرق الفول ، حط شوية فول عشان تتوزن شوية
البائع حطله شوية فول
الرخم : ايه يا عم أنت ، الفول كده بقى أكثر من الزيت ، حط شوية زيت
البائع حطله شوية زيت
الرخم : كفاية يا با كفاية زيت ، كده الزيت غطى ع الفول خالص ، حط شوية فول
البائع زهق وبدأ ينفخ ويسب ويلعن لكن حطله شوية فول
الرخم : يا عم الحاج ، قولي بزمتك ، آكل اذاي أنا دلوقتي الفول ده والزيت مغرقه يا راجل ده الفول مش باين فيه ؟ حط شوية زيت الله يكرمك
البائع وعنيه بتطق شرار حطله شوية زيت
الرخم : كده !! ; كدة كويس يعني ؟؟ الطبق بقى عامل ذي الشوربة ، الزيت كثير قوي يا بويا
حط شوية فول .
البائع حطله شوية فول وقال : أبوس إيد اللي خلفوك أبعد عني بقي
الرخم مشي وجه بعد 5 دقائق بالحلة نفسها ، البائع شافه جاي عليه من بعيد قام ماسك قدرة الفول راح كسرها وقال الله يلعن أبو الشغلانة دي واللي عايز يشتغلها تاني
الرخم : أنت كسرتها 00 طب حط شوية زيت . | |
|
البيت بيتك
